日本語能力試験
JLPT UZBEKISTAN
RO‘YXATDAN O‘TISH 2026-YIL 24-AVGUSTDAN
Japanese-Language Proficiency Test
Nomzodlar uchun axborot qo‘llanmasi
Imtihon kuni: 6 DEKABR 2026-yil
Imtihon to'lovi: 700 000 SO‘M
Imtihon to'lovi: 700 000 SO‘M
JLPT UZBEKISTAN • 2026-YIL 6-DEKABR • TOSHKENT
JLPT HAQIDA
Yapon tilini bilish darajasini aniqlash bo‘yicha xalqaro imtihon
Japanese-Language Proficiency Test (JLPT) — yapon tili ona tili bo‘lmagan shaxslarning yapon tilini bilish darajasini baholash va tasdiqlash uchun mo‘ljallangan xalqaro imtihon. JLPTning rasmiy xalqaro sayti The Japan Foundation va Japan Educational Exchanges and Services (JEES) tomonidan boshqariladi.
Imtihon besh darajadan iborat: N5 — boshlang‘ich, N4 — asosiy, N3 — o‘rta, N2 — yuqori, N1 — eng yuqori. Til bo‘yicha bilimlar, o‘qish va tinglab tushunish tekshiriladi.
O‘ZBEKISTONDA JLPT
O‘tkazilish shahri
Toshkent, O‘zbekiston Respublikasi
Imtihon sanasi
2026-yil 6-dekabr, yakshanba
Tashkilot
The Uzbekistan-Japan Center (UJC)
Mavjud darajalar
N1, N2, N3, N4, N5
Narxi
Har bir daraja uchun 700 000 so‘m
RO‘YXATDAN O‘TISH
Ro‘yxatdan o‘tish boshlanishi
2026-yil 24-avgust
Ro‘yxatdan o‘tishning yakunlanishi
2026-yil 11-sentabr
Ro‘yxatdan o‘tish havolasi
UJC rasmiy saytida e’lon qilinadi
HUJJATLARNI TOPSHIRISHNI OXIRGI KUNGA QOLDIRMANG
QANDAY RO‘YXATDAN O‘TISH KERAK
| QADAM | AMAL | TAVSIF | |
| 01 | Hujjatlarni tayyorlash | Shaxsni tasdiqlovchi hujjat va 3×4 sm o‘lchamdagi 2 ta fotosurat tayyorlang. | |
| 02 | JLPT imtihoni ro'yxatdan o’tish | Rasmiy anketani diqqat bilan va xatosiz to‘ldiring. | |
| 03 | To‘lov | Imtihon uchun to‘lovni UJC ko‘rsatgan tartibda amalga oshiring. | |
| 04 | Xujjat topshirish | Hujjatlarni belgilangan muddatda UJC xodimlariga topshiring |
KERAKLI HUJJATLAR
Pasport / shaxsni tasdiqlovchi hujjat / tug‘ilganlik haqidagi guvohnoma.
2 ta fotosurat o‘lchamdagi 3×4 sm
To‘ldirilgan JLPT imtihoniga ro‘yxatdan o‘tish anketasi
Imtihon to‘lovi tasdiqnomasi.
Muhim: ism va familiyangizni shaxsni tasdiqlovchi hujjatga muvofiq bosh lotin harflarida yozing.
JLPT DARAJALARI
BOSHLANG‘ICH
N5
Asosiy iboralar, hiragana, katakana, asosiy kanjilar va oddiy dialoglar.
ASOSIY
N4
Yapon tili bazasi va tanish kundalik vaziyatlarni tushunish.
O‘RTA
N3
Kundalik yapon tilini va murakkabroq materiallarning asosiy g‘oyalarini tushunish.
YUQORI
N2
Turli kundalik vaziyatlarda, matnlarni va tabiiy tezlikka yaqin nutqni tushunish.
ENG YUQORI
N1
Murakkab matnlar, mavhum g‘oyalar, yangiliklar, ma’ruzalar va tabiiy yapon nutqining turli jihatlarini tushunish.
IMTIHON TUZILISHI VA VAQTI
| DARAJA | 1-BO‘LIM | VAQT | 2-BO‘LIM | VAQT | |
| N1 | Leksika/grammatika + o‘qish | 110 daq. | Tinglab tushunish | 55 daq | |
| N2 | Leksika/grammatika + o‘qish | 105 daq. | Tinglab tushunish | 50 daq. | |
| N3 | Leksika | 30 daq. | Grammatika + o‘qish / tinglab tushunish | 70 / 40 daq. | |
| N4 | Leksika | 25 daq. | Grammatika + o‘qish / tinglab tushunish | 55 / 35 daq. | |
| N5 | Leksika | 20 daq. | Grammatika + o‘qish / tinglab tushunish | 40 / 30 daq. |
NATIJALAR VA SERTIFIKAT
Imtihondan muvaffaqiyatli o‘tish uchun belgilangan umumiy o‘tish balini olish va shu bilan birga baholanadigan har bir bo‘lim bo‘yicha minimal ballni to‘plash kerak. Agar majburiy bo‘limlardan birida natija belgilangan minimumdan past bo‘lsa, imtihon topshirilmagan hisoblanadi.
Natijalar e’lon qilingandan so‘ng nomzod ularni onlayn tekshirishi mumkin. Anketada ko‘rsatilgan ro‘yxatdan o‘tish raqami va parolni saqlab qo‘ying. JLPTni muvaffaqiyatli topshirganlar JLPT rasmiy sertifikatini olish imkoniyatiga ega bo’ladilar.
KO‘P UCHRAYDIGAN SAVOLLAR
Bir nechta darajani topshirish mumkinmi?
Ro‘yxatdan o‘tishda imtihonning bitta darajasi tanlanadi. Darajani oldindan tanlang.
Og‘zaki qism bormi?
Yo‘q. JLPTda og‘zaki nutq bo‘yicha alohida imtihon yo‘q.
Yozma insho qismi bormi?
Yo‘q. Insho yozish bo‘yicha alohida bo‘lim yo‘q.
Natijalar qachon e’lon qilinadi?
Natijalarni e’lon qilish muddati imtihon o‘tkazilgandan keyin tashkilotchilar tomonidan ma’lum qilinadi.
Imtihonning aniq joyini qayerdan bilish mumkin?
Aniq joy, yetib kelish vaqti va tashkiliy ko‘rsatmalar ro‘yxatdan o‘tgan nomzodlarga ma’lum qilinadi.
UJC ALOQA MA’LUMOTLARI
UJC asosiy manzili
100084, Toshkent, Amir Temur ko‘chasi, 107-B, Xalqaro Biznes Markazi, A blok, 6-qavat
Telefon
+998 78 120-73-94 / +998 78 120-73-95 / +998 78 120-73-96
E-pochta
infomail@ujc.uz
RASMIY MANBALAR
• • JLPT imtihoni rasmiy sayti
• JLPT imtihoni bo‘limlari va davomiyligi
• JF ning O’zbekistondagi rasmiy hamkori The Uzbekistan-Japan Center
• UJC rasmiy aloqa ma’lumotlari
© 2001 - 2026 UJC.